ضلع یادگیر کانگریس مہیلا صدر منجولا نے میڈیا سے بات کرتے ہوئے کہا کہ اتر پردیش کے گاؤں ہاتھرس میں پیش آیا واقعہ کافی شرم ناک ہے۔ملک میں لڑکیوں پر ہورہے ظلم اور زیادتی کی انتہا پار ہوتی جا رہی ہے۔
انہوں نے مرکزی حکومت کو تنقید کا نشانہ بناتے ہوئے کہا کہ مودی حکومت نے اس معاملے پر ابھی تک خاموشی کیوں اختیار کی ہوئی ہے۔مرکزی حکومت جہاں بیٹی پڑھاؤ اور بیٹی بچاؤ موضوع پر بات کرتی ہے لیکن ان کی یہ بات کہیں بھی نظر نہیں آرہی ہے۔اگر ان کی بہن اور بیٹی کے ساتھ ایسے حادثات پیش آتے تو کیا اس وقت بھی یہ حکومت خاموش بیٹھے رہتی۔
انہوں نے کہا کہ لڑکیوں کے ساتھ ظلم و ستم کرنے والوں کا انکاؤنٹر کردینا چاہیے۔انہوں نے اترپردیش حکومت کے وزیر اعلی سے مطالبہ کیا ہے کہ ہاتھرس واقعے میں شامل تمام لوگوں کو پھانسی کی سزا دی جائے۔
انہوں نے مرکزی اور ریاستی حکومت پر زور دیا کہ عوام کے دلوں میں پیدا ہوئے خدشات کو حکومت دور کرے اور قاتلوں پر شکنجہ کستے ہوئے ایسی سزا دے کے پھر کوئی دوسرا شخص خواتین کے خلاف جرم کرنے کی ہمت نہ کر سکے۔
انہوں نے مزید کہا کہ ہم سب کو مل کر سڑک پر اترنا چاہیے اور اس معاملے کے خلاف جاری احتجاج میں بڑھ چڑھ کر حصہ لینا ضروری ہے۔
