گلبرگہ شہر میں موسلا دھار بارش نے ایک نیا ریکارڈ درج کیا ہے۔ تین دن پہلے ہوئے موسلا دھار بارش سے پورے گلبرگہ کی تلاب اور ندیوں میں پانی بھر چکا ہے، وہیں اس بارش کے سبب کئی عمارت بھی منہدم ہوچکے ہیں۔
گلبرگہ شہر حضرت خواجہ بندہ نواز درگاہ کے گیارہ سیڑھیوں کے سامنے واقع 600 سال قدیم تاریخی دیوار کا ایک حصہ منہدم ہوگیا ہے۔
خواجہ بندہ نواز کے سامنے کی 600 سال قدیم دیوار منہدم
لوگوں نے بتایا کہ دیوار اتنی پرانی ہے کہ کبھی کبھی اس دیوار کا تھوڑا تھوڑا حصہ گرتا رہتا ہے لیکن یہ پہلی بار ہوا کہ دیوار کا ایک اتنا بڑا حصہ منہدم ہوگیا ہے۔
واضح رہے کہ 600 سال قبل بھمنی دور میں علاالدین بھمنی کی حکومت نے اس دیور کو تعمیر کیا تھا، لیکن موسلا دھار بارش کی وجہ یہ دیوار منہدم ہوچکی ہے۔ درگاہ کے گیارہ سیڑھیوں کے سامنے ہمیشہ زائرین کا ہجوم دیکھا جاتا ہے، لیکن اس حادثے کی وجہ سے کسی کو بھی نقصان نہیں پہنچا ہے۔
