یادگیر (کرناٹک) : یادگیر ضلع پنچایت کی چیف ایگزیکٹیو آفیسر، گریما پنوار، کا کہنا ہے کہ ’’ہیڈ ٹیچرز کے لیے ضروری ہے کہ وہ پوسٹ کی ضرورت کے لیے اپنی ذاتی صلاحیت میں اضافہ کریں اور تعلیمی ترقی میں مؤثر طریقے سے مشغول ہوں اور کمیونٹی کی شراکت کو یقینی بنائیں۔‘‘ انہوں نے شہر کے عظیم پریم جی اسکول ہال میں پبلک ایجوکیشن ڈپارٹمنٹ یادگیر، ڈسٹرکٹ ایجوکیشن اینڈ ٹریننگ انسٹی ٹیوٹ، یادگیرم اور منتر سوشل سروس انسٹی ٹیوٹ اور عظیم پریم جی فاؤنڈیشن کے زیر اہتمام سمراٹ ہیڈ ٹیچر لیڈرشپ ورکشاپ کا افتتاح کرتے ہوئے ان باتوں کا اظہار کیا۔
انہوں نے زور دیتے ہوئے کہا کہ ’’ایک استاد کی شخصیت کا طلبہ پر گہرا اثر پڑتا ہے، اس لیے اساتذہ کو چاہیے کہ وہ اس آئیڈیل کو اپنا لیں۔ سال بھر اساتذہ کو اسکول کی سطح پر پروجیکٹ کرنے کے مواقع فراہم کیے جاتے ہیں اور اس پروگرام کے نفاذ کے لیے ضلعی محکمہ تعلیم کے ساتھ ساتھ ضلع پنچایت بھی ذمہ دار ہے۔‘‘ یادگیر ضلع پنچایت نے حال ہی میں کالبرگی، ایڈیشنل کمشنر کے دفتر میں ورکشاپ کا ایک پروگرام منعقد کیا جس میں ضلع کے تمام سرکاری اسکولوں کے ہیڈ ٹیچرز نے شرکت کی۔ ان سے قائدانہ صلاحیتوں، تنظیمی ترقی، کمیونٹی کی شرکت، تعلیمی شمولیت جیسا کہ قومی تعلیمی پالیسی میں ذکر کیا گیا ہے کے بارے میں تبادلہ خیال کیا گیا۔
ورکشاپ میں اسکول کے حالات اور مواقع کا جائزہ لیا گیا تاکہ اسکول میں بچے کی تربیت کے تجربے کے لیے سازگار ماحول پیدا کیا جا سکے۔ تربیت کے ایک حصے کے طور پر، آنے والے دنوں میں، ہیڈ ٹیچرز کو اسکول کی ترقی کے حصول کے لیے یادگیر ضلع بھر میں تعلیمی پروجیکٹس کو شروع کرنے کی سرگرمیوں میں شامل کیا گیا۔ اس سال اسکول کے افتتاحی پروگرام کو ضلع بھر میں مؤثر طریقے سے منعقد کرنے کے لیے منصوبہ بندی کی گئی ہے۔ انہوں نے ہیڈ ٹیچرز کو حوصلہ اور اعتماد بڑھانے کی ضرورت پر زور دیا، اسکول کی ترقی کے لیے گرانٹس کے بارے میں معلومات حاصل کرنا، مختلف شعبہ جات میں گرانٹس کے استعمال کے بارے میں ہیڈ ٹیچرز سے مشاورت کی۔
مزید پڑھیں: یادگیر: اساتذہ وطلبا کے لیے تہنیتی پروگرام
یادگیر ڈائیٹ کے پرنسپل سری شیل ایس برادار نے کہا کہ ’’اساتذہ کو اس بات کو یقینی بنانے کی مخلصانہ کوشش کرنی چاہئے کہ کلاس اول میں داخلہ لینے والا طالب علم دسویں جماعت تک اپنی تعلیم جاری رکھے۔‘‘ انہوں نے ایکشن پلان تیار کرنے کی ہدایت کی تاکہ بچے اسکول میں رہیں اور معیاری تعلیم حاصل کر سکیں۔ اس ورکشاپ میں تمام سینئر لیکچررس اور ڈسٹرکٹ ڈائیٹ کے اسٹاف ممبران، سورپور، شاہ پور اور یادگیر تعلقہ کے تمام ہیڈ ٹیچرس، شاہ پور سورپور اور یادگیر تعلقہ کے فیلڈ ایجوکیشن آفیسرز اس ورکشاپ میں موجود تھے۔
