مولانا نے کہا کہ غوث اعظم دستگیر شیخ عبدالقادر جیلانیؒ، اللہ کے ولی اور صوفیوں کے سردار تھے۔ انہوں نے کہا کہ صوفیاء کرام نے اپنی پوری زندگی امن بھائی چارہ اور اتحاد کی تعلیم دی جس کے سبب ان اولیاء اللہ کے دور میں لاکھوں کی تعداد میں لوگ ایمان سے سرفراز ہوئے۔ صوفیا کرام نے پوری دنیا کو یہ بتایا کہ وہ اللہ اور اس کے رسولﷺ کے سچے پیروکار ہیں۔
مولانا نظام الدین برکاتی نے مزید کہا کہ آج دنیا میں نفرت، فرقہ پرستی، حسد، جلن، ایک دوسرے سے عداوت کا بول بالا ہے جبکہ ایک دوسرے کے لیے پیار، محبت، خلوص، وفا، ایمانداری، سنجیدگی اور صبر جیسی چیزیں جو بہتر زندگی کے لیے نہایت ضروری ہے وہ لوگوں سے دور ہوتی جارہی ہیں۔
انہوں نے کہا کہ اسی لیے آج ضرورت اس بات کی ہے کہ ہمیں اولیاء کرام کی تعلیمات خاص کر غوث اعظمؒ کی تعلیمات کو عام کرنے کی ضرورت ہے۔ انہوں نے کہا کہ اولیاء اکرام نے اپنے کردار اور عمل سے دین و اسلام کو پھیلایا ہے۔
