Prime Minister Wrote a Letter Dr. Muhammad Sohail: وزیر اعظم نے ڈاکٹرمحمد سہیل کو خط لکھ کر ستائش کی

نریندر مودی نے کورونا ویکسینیشن مہم میں نمایاں کارکردگی انجام دینے والے بیدر کے ڈاکٹر محمدسہیل حسین کو خط لکھ کر ان کی کام کی ستائش کی ہے اور لکھا ہے کہ آپ سب کے تعاون سے بھارت میں کورونا ویکسینیشن مہم کے تحت 200 کروڑ لوگوں کا ویکسینیشن ممکن ہوسکا۔ Prime Minister wrote a letter and praised Dr. Muhammad Sohail

ملک کے وزیر اعظم نریندر مودی نے کورونا ویکسینیشن مہم میں نمایاں کارکردگی انجام دینے والے بیدر کے ڈاکٹر محمد سہیل حسین کو خط لکھ کر ان کے کام کی ستائش کی۔ اس خط میں انہوں نے لکھا ہے کہ آپ سب کے تعاون سے بھارت میں کورونا ویکسینیشن مہم کے تحت 200 کروڑ لوگوں کا ویکسینیشن کیا گیا۔ مشکل حالات میں آپ سب نے ویکسینیشن مہم کو کامیاب بنانے میں نمایاں کردار ادا کیا۔ میں آپ اور آپ کے خاندان کے لیے نیک خواہشات پیش کرتا ہوں۔ Prime Minister wrote a letter and praised Dr. Muhammad Sohail

اس حوالے سے ڈاکٹر سہیل حسین بیدر نے کہا کہ میرے لیے یہ فخر کا لمحہ ہے کہ ملک کے وزیراعظم نے ہمارے کام کی ستائش کرتے ہوئے ہمیں خط لکھا ہے۔ ڈاکٹر سہیل نے کہا کہ ضلع انتظامیہ محکمہ صحت، محکمہ بلدیہ، محکمہ تعلیمات کے ٹیچرز آنگنواڑی ٹیچرس اور دیگر ذمہ داران کے تعاون سے ہم نے ویکسینیشن مہم میں کامیابی حاصل کی ہے۔

ڈاکٹر سہیل نے بتایا کہ شروع میں ویکسین کو لے کر لوگوں میں پھیلی غلط فہمی کی وجہ سے کئی مشکلات کا سامنا کرنا پڑا لیکن دھیرے دھیرے لوگوں کو اعتماد ہونے لگا اور ہم اپنا کام تیزی کے ساتھ کرتے ہوئے اپنے ہدف کو پار کیا۔ انہوں نے کہا کہ آج بھی بیدر ضلع کے سرکاری ہیلتھ سنٹرز میں ویکسینیشن کیا جارہا ہے۔