ریاست کرناٹک کے شہر گلبرگہ میں پاپولر فرنٹ آف انڈیا تنظیم کے جانب سے ضلع کمشنر آفس کے سامنے اترپردیش حکومت کے خلاف احتجاج کیا گیا۔
اس موقع پر پی ایف آئی کے ریاستی خزانچی شاہد نصیر نے کہا کہ ہاتھرس جنسی زیادتی معاملے کو حل کرنے میں ناکام یوگی حکومت اپنی ناکامی کو چھپانے کے لیے عوام کی توجہ بھٹکانے کی کوشش کر رہی ہے۔
اترپردیش میں لا اینڈ آرڈر پوری طرح سے ختم ہو چکا ہے۔ پہلے یوپی میں اقلیتی برادری کے لوگ خود کو غیر محفوظ محسوس کر رہے تھے۔ لیکن اب دلت اور خواتین بھی ریاست میں غیر محفوظ ہیں۔
کرناٹک: قانون ساز کونسل کے لیے نامزدگیاں داخل
یوپی پولیس بھی ایک دلت لڑکی کے ساتھ ہوئے ظلم کو چھپانے کی کوشش کر رہی ہے۔ دلت لڑکی کے اہل خانہ کو میڈیا تک کے لوگوں سے ملنے نہیں دیا گیا۔ سچائی کو چھپانے کی کوشش کی گئی ہے۔ ذات پات کی بنیاد پر فرقہ وارانہ تشدد بھڑکانے کی سازش کا الزام لگا کر پاپولر فرنٹ آف انڈیا کو اس معاملے سے جوڑنے کی سازش کی جا رہی ہے۔ پاپولر فرنٹ آف انڈیا ملک بھر میں مضبوط ہو چکا ہے۔ ملک بھر میں مظلوموں کی حق کی آواز بلند کرتا آرہا ہے۔ مگر بی جے پی حکومت مظلومین کی آواز کو دبانا چاہتی ہے۔
انہوں نے کہا کہ بی جے پی حکومت ملک کے دستور ہند کو ختم کرنا چاہتی ہے۔ ملک بھر میں اپنی ہی من مانی کر رہی ہے۔ کئی بار بی جے پی کی جانب سے پاپولر فرنٹ آف انڈیا کو بد نام کرنے کی کوشش کی گئی ہے۔ لیکن پاپولر فرنٹ آف انڈیا کے تمام الزامات محض اصل بات سے دھیان بھٹکانے والی ثابت ہوئی ہیں۔
ملک بھر میں پاپولر فرنٹ آف انڈیا عوام کے حقوق کے لیے اپنی آواز کو بلند کرتا رہے گا۔
