میسور: کرناٹک کے منگلور میں حال ہی میں ایک آٹو میں ہوئے پراسرار دھماکے کے سلسلے میں تفتیش کاروں نے گزشتہ شب میسور کے رہنے والے مشتبہ شخص کے کمرے کی تلاشی لی اور تین افراد کو حراست میں لے کر منگلور لے گئے۔ ملزم شارق نے میسور کے لوک نائک نگر میں ایک کمرہ کرایہ پر لیا تھا۔ وہاں اس نے دھماکہ خیز مواد تیار کر کے کوکر میں رکھا اور بس سے منگلورو کے لیے روانہ ہو گیا۔ اس کے بعد وہاں سے آٹو رکشا میں لے جاتے وقت کوکر جیسی چیز میں اچانک دھماکہ ہوگیا۔ ملزم بھی زخمی ہوا جسے ہسپتال میں داخل کرایا گیا۔
منگلورو پولیس نے ٹی نرسی پور سید اور منڈی محلہ سے ایک شخص اور ایک مکان مالک کو حراست میں لیا ہے جو شارق پر شبہ کرنے کے لئے کم قیمت پر موبائل کی مرمت اور بیسک موبائل سپلائی کررہے تھے۔ کل شام، نیشنل انویسٹی گیشن ایجنسی نے ایک بار پھر نصف شب تک مشتبہ شخص کے گھر کے اوپری کمرے کی تلاشی لی اور مینگلور پولس کی جانب سے حراست میں لیے گئے تین لوگوں کو مزید تفتیش کے لیے این آئی اے کے ذریعہ تحویل میں لینے کا امکان ہے۔
یہ بھی پڑھیں: Mangalore Autorickshaw Blast منگلور آٹورکشا دھماکہ حادثاتی نہیں بلکہ سازش کے تحت انجام دیا گیا: ڈی جی پی
یو این آئی
