بنگلورو: وزیر اعظم نریندر مودی نے بنگلورو میں کیمپے گوڑا بین الاقوامی ہوائی اڈے کے ٹرمینل 2 کا افتتاح کیا۔ ٹرمینل 2 پانچ ہزار کروڑ روپے کی لاگت سے بنایا گیا ہے۔ وزیر اعظم نریندر مودی آج بنگلورو میں نداپربھو کیمپے گوڑا کے 108 فٹ اونچے کانسی کے مجسمے کی نقاب کشائی بھی کریں گے۔ اس کے بعد وزیر اعظم مودی دن کے وقت ایک عوامی پروگرام میں حصہ لیں گے اور ایک بہت بڑے جلسہ عام سے خطاب کریں گے۔ PM Modi Visit Bangalore
بنگلورو دورے کے دوران پی ایم مودی نے جنوبی بھارت کی پہلی وندے بھارت ایکسپریس کو ہری جھنڈی دکھائی، یہ وندے بھارت ایکسپریس میسور اور چنئی کے درمیان بنگلورو کے راستے چلے گی۔ یہ ملک کی پانچویں اور جنوبی بھارت کی پہلی وندے بھارت ایکسپریس ٹرین ہے۔ وہیں سے پی ایم مودی نے بھارت گورو کاشی درشن ٹرین کو بھی ہری جھنڈی دکھا کر روانہ کیا۔
یہ بھی پڑھیں: South India's First Vande Bharat Train جنوبی ہندوستان کو پہلی وندے بھارت ٹرین ملی، وزیر اعظم نے ہری جھنڈی دکھائی
وزیر اعظم نریندر مودی جمعہ کو جب بنگلورو شہر پہنچے تو کرناٹک کے گورنر تھاور چند گہلوت اور وزیر اعلی بسواراج بومئی نے ان کا استقبال کیا۔ اس موقع پر مرکزی وزیر پرہلاد جوشی اور دیگر معززین بھی موجود تھے۔ پولیس نے مودی کے دورے کے پیش نظر شہر کی کئی بڑی سڑکوں پر ٹریفک پابندیاں عائد کر دی ہیں اور ساؤتھ ویسٹرن ریلوے نے سفر سے پہلے ایک ٹرین کو منسوخ اور کئی ٹرینوں کا شیڈول تبدیل کر دیا ہے۔
یو این آئی
