واسودیوا نارائن راؤ شاستری اور پیشہ سے فوٹوگرافر علی صبا کی دوستی ہندو مسلم اتحاد کی مثال ہے۔ علی صبا کنٹوجی کی پوتی شفا ناز محمد رفیق نے اتوار کی صبح 3 بجے سحری کے لیے اٹھی اور دن بھر روزہ رہی اور شام 6 بجے اس نے افطار کیا۔ 6 برس کی شفا ناز کے روزہ رکھنے پر علی صبا کنٹوجی کے بچپن کے دوست واسودیوا نارائن راؤ شاستری کا خاندان انتہائی خوش ہوا۔ Little Shifanaz Honoured by Hindu Family After Fasting
واسودیوا شاستری نے شفا ناز کے روزہ رکھنے پر اسے اعزاز سے نوازنے کا فیصلہ کیا اور علی صبا کنٹوجی خاندان کو اپنے گھر پر مدعو کیا۔ اس موقع پر شفا ناز کو اعزاز سے نوازا گیا۔ اس کی آرتی اتاری گئی، نئے کپڑے بنائے گئے اور خوب مٹھائی کھلائی گئی۔
یہ بھی پڑھیں:
Gulbarga Railway Station: مہاراشٹر۔کرناٹک سرحد کے ریلوے اسٹیشن پر سحری کا مفت انتظام
قابل ذکر ہے کہ اس موقع پر شاستری کی لڑکیاں گوری اور رانی نے شفا ناز کے سر پر اوڑھنی باندھی جیسے مسلم لڑکیاں حجاب باندھتی ہے۔ بعد ازاں کنٹوجی کے بیٹے محمد رفیق اور ان کی اہلیہ نے شفا کو گلے سے لگایا۔ اس تقریب میں ہندو مسلم اتحاد کی عظیم جھلک دکھائی دے رہی تھی۔
