بیدر عیدگاہ کمیٹی کے انتخابات کے لیے ایڈمنسٹریٹر کی حیثیت سے اختر محی الدین کا انتخاب کیا گیا ہے جبکہ محمد مسیح الدین کو الیکشن افسر مقرر کیا گیا ہے۔
اختر محی الدین (ایڈمنسٹریٹر) نے بتایا کہ 'انہیں بیدر عیدگاہ کمیٹی کا ایڈمنسٹریٹر مقرر کیا گیا ہے۔' انہوں نے عوام کا شکریہ ادا کرتے ہوئے تعاون کی بھی اپیل کی ہے۔
الیکشن آفیسر محمد مسیح الدین نے عیدگاہ بیدر کی ممبر سازی سے متعلق تفصیلات بتاتے ہوئے کہا کہ 'عیدگاہ کی منیجنگ کمیٹی کا الیکشن اندرون تین ماہ منعقد کرنے کے لیے کہا گیا ہے جس کے لیے مجلس شوریٰ عیدگاہ کمیٹی بیدر کی ممبر سازی کا عمل شروع کیا گیا ہے۔'
یہ ممبر سازی 5 فروری سے 6 مارچ 2021 تک جاری رہے گی خواہش مند حضرات ممبر شپ فیس ادا کر کے فارم حاصل کر سکتے ہیں۔
فارم کے داخلے کی شرائط حسب ذیل ہیں۔
ممبر فارم داخل کرنے کی آخری تاریخ 6 مارچ 2021 شام پانچ بجے تک ہوگی۔
درخواست گزار کی عمر 18 برس سے زائد ہو، فارم کے ساتھ آدھار کارڈ منسلک کرنا ہوگا۔ درخواست گزار حدود بلدیہ بیدر کا ہونا چاہیے۔ درخواست گزار کا تعلق سنی مسلک سے ہونا چاہیے۔
