کرناٹک کے ضلع یادگیر میں جماعت اسلامی ہند یادگیر کے رکن عبدالسلیم نے مسلم معاشرے میں بے پردگی اور ختلف مسائل پر ای ٹی وی بھارت سے گفتگو کرتے ہوئے کہا کہ 'مسلم معاشرے میں اسلامی تعلیم کی سخت ضروررت ہے، تب جاکر اس معاشرے میں پھیلی تمام تر برائیاں ختم ہوں گی۔
انہوں نے کہا کہ مسلم معاشرے کی موجودہ بدحالی اور بے بسی ماضی میں ہمیں کہیں نظر نہیں آتی، شاید اس کی سب سے اہم وجہ مسلمانوں کی دین سے دوری ہے۔
آج جو ذلت اور رسوائی قوم کا مقدر بن چکی ہے اس کی اہم وجوہات یہ ہے کہ معاشرے کا اسلامی تعلیم سے دور ہونا اور اپنی اولاد کو مشرقی کلچر اور مخلوط تعلیمی نظام میں ڈھالنا ہے۔
مزید پڑھیں:
کانپور پٹائی معاملہ: قومی اقلیتی کمیشن کا پولیس کمشنر کو نوٹس
عبدالسلیم نے والدین اور سرپرستوں سے اپیل کرتے ہوئے کہا کہ اپنے اپنے گھروں میں دینی ماحول بنائیں بچوں کو دنیاوی تعلیم کے ساتھ ساتھ دین کی تعلیم ضرور دیں۔
تاکہ بچوں میں علم دین کی وجہ سے اللہ اور اس کے رسول کی اطاعت گزاری اور فرمانبرداری کے ساتھ ساتھ خوف خدا اس کے دلوں میں پیدا ہو اور ان کی دنیا و آخرت کامیاب ہوں۔
