انجمن ترقی اردو شاخ یادگیر کی جانب سے شہر کے آئیڈیل گلو بل اسکول یادگیر میں جلسہ تہنیت برائے اردو صحافی منعقد ہوا۔ اس اجلاس کی صدارت انجمن ترقی اردو کے صدر ڈاکٹر رفیق سوداگر نے کی۔
پروگرام کا آغاز مولانا نواز خان نظامی نے کلام پاک کی قرآت سے کیا جب کہ مبین احمد زخم نے نعت شریف کا نذرانہ پیش کیا۔
اس موقع پر سینئر صحافی اقبال راہی، نسیم اشرف نیوز 18 اردو، عرفان ریچوری نامہ نگار انقلاب دکن، قاضی امتیاز دین صدیقی صدر رابطہ ملت کمیٹی یادگیر، علاقائی زبان کنڑ کے نامہ نگار لکشمی کانت کلکرنی روزنامہ وجے وانی، نے مہمان خصوصی کی حیثیت سے شرکت کی۔
اس موقع پر انجمن ترقی اردو کی جانب سے تمام مہمانوں کی گل پوشی کی گئی۔ اس موقع پر ضلع ریچورکے صحافیوں کے علاوہ ضلع یادگیر کے تعلقہ گرمٹکل، شاہ پور، شورا پور کے اردو صحافیوں نے شرکت کی۔ اس پروگرام کی نظامت محمد ہادی نے کی۔
