بنگلور کے لیے دن میں یادگیر ڈپو سے چار بس چلائی جا رہی ہیں۔ یادگیر سے بنگلور کے لئے 645 روپے کا ٹکٹ ہے۔ مسافروں کو بکنگ کی سہولت بھی دی گئی ہے۔
یادگیر سے بنگلور کے لیے صبح سات بجے سے بس خدمات شروع ہوگی۔ تمام مسافرین کو بس میں بیٹھنے سے پہلے تھرمل اسکریننگ کے عمل سے گزرنا ہے۔
ساتھ میں مسافرین کا موبائل نمبر اور پتہ بھی درج کیا جارہا ہے۔ یادگیر ڈپو کے علاوہ بنگلور کے لیے بس خدمات تعلقہ شاہ پور ڈپو اور تعلقہ شورا پور بس ڈپو سے بھی بنگلور کے لئے بس خدمات شروع کی گئی ہیں۔
ٹرینوں کی سہولت نہ ہونے کی وجہ سے مسافرین کو مجبوری میں بس کا سفر طے کرنا پڑ رہا ہے جو کافی مہنگا ہے۔ یادگیر سے سے بینگلور کے لیے ٹرین کا ٹکٹ 150 سے دو سو روپے تک ہے۔
