ریاست کرناٹک کے شہر بنگلور کے ڈپٹی کمیشنر کے دفتر کے سامنے بڑی تعداد میں آشا وہرکرز نے احتجاج کیا، اور حکومت کرناٹک سے مطالبہ کیا کہ انہیں ماہانہ 12 ہزار روپے کا اعزازیہ دیا جائے۔
اس موقع پر آشا ورکرز اور ان کے رہنماؤں نے ای ٹی وی بھارت کو بتایا کہ کورونا وائرس کے دوران بھی سخت محنت کررہے ہیں جو کہ کسی خطرے سے کم نہیں، لیکن وبا کے اس پر دہشت بھرے ماحول میں بھی حکومت نے انہیں ماسکز، سینیٹائزر اور پی پی ای کٹز مہیا نہیں کرارہی ہے۔
انہوں نے کہا کہ یہ احتجاج مرکزی (آل انڈیا یونائٹیڈ ٹریڈ یونین سینٹر) کی زیر نگرانی منعقد کیا گیا تھا، جس میں شہر کے مختلف علاقوں میں خدمات انجام دے رہی آشا ورکرز نے حصہ لیا اور ڈپٹی کمیشنر کے ذریعے وزیراعلیٰ کو ایک یادداشت پیش کی۔
یاد رہے کہ ریاست بھر میں کل 42 ہزار آشا ورکرز ہیں، جو 10 جولائی سے غیر معینہ احتجاج پر ہیں۔
ان کا کہنا ہے کہ مشروت کے ساتھ ان کے مطالبات منظور کیے جانے پر ہی وہ احتجاج کو ختم کریں گی۔
