کسان کریڈٹ کارڈ میں ہوئی بدعنوانی کی جانچ کی جائے: عالم پاشاہ

ملک کی تیزی سے گھٹتی معیشت اور کووڈ کے خوفناک حالات کے نتیجے میں ایک طرف کاشتکار خودکشیاں کررہے ہیں، تو وہیں حکومت کرناٹک کے ایک وزیر پر کسان کریڈیٹ کارڈ کے نام پر کروڑوں روپیے کی بدعنوانی کا الزام ہے۔

اس سلسلے میں معروف تاجر اور دی ہیلپنگ سیٹیزن کے صدر عالم پاشاہ نے ریاستی وزیر موروگیش نرانی پر الزام عائد کرتے ہوئے کہا کہ، ' انہوں نے شمالی کرناٹک میں کسان کریڈٹ کارڈ کے نام سے تقریباً 8000 کروڑ روپیوں کا گھوٹالہ کیا ہے۔'

عالم پاشاہ نے بتایا کہ، 'اس معاملے انہوں نے اینٹی کرپشن بیورو کے ڈی آئی جی سے شکایت درج کی ہے، تاہم وہ پرامید ہیں کہ ان کی شکایت پر کارروائی ہوگی۔'

اس سلسلے میں عالم پاشاہ نے مزید بتایا کہ، 'موجودہ وزیر اعلیٰ بی ایس یدی یورپا اور ریاستی وزیر موروگیش نیرانی پر ان کی جانب سے دائر کردہ 28 ایکڑ کی ایک زمین پر ناجائز طور پر ڈی نوٹیفکیشن کا کیس پہلے ہی سے چل رہا ہے اور وہ ہرگز نہیں چاہتے کہ اس قسم کے رشوت خور لوگ حکومت میں اعلیٰ عہدوں پر فائز رہیں۔'