ہبلی: اگر آپ اپنی زندگی میں کچھ بڑا حاصل کرنا چاہتے ہیں تو عمر صرف ایک عدد ہے۔ یہاں اس کی ایک مثال ہے۔ جی ہاں، اس شخص نے 63 سال کی عمر میں بھی 5000 کلومیٹر سائیکل چلائی۔ ان کا نام انڈیا بک آف ریکارڈ میں درج ہو گیا ہے۔
ہبلی کے رہنے والے گرو مورتی ماترنگ مٹھ نے 63 کی عمر میں 100 دنوں میں 5000 کلومیٹر سائیکلنگ کرنے کے کارنامے کو انجام دیا۔ گرومورتی ماترنگی مٹھ کے اس کارنامے کی لوگوں نے خوب ستائش کی ۔گرو مورتی پیشے سے چارٹرڈ اکاؤنٹنٹ ہیں اور سائیکلنگ میں کامیابی حاصل کرکے آج کی نوجوان نسل کے لیے ایک رول ماڈل بن گئے ہیں۔
گرومورتی نے 100 دنوں تک روزانہ 50 کلومیٹر سائیکل چلا کر 11 مئی سے 18 مئی تک کل 5000 کلومیٹر کا فاصلہ طے کیا۔ گرومورتی ہر روز صبح 4 بجے سے صبح 8 بجے کے درمیان اپنی سائیکل پر 50 کلومیٹر کا فاصلہ طے کرتے تھے۔ اس کارنامے کو حاصل کرنے کے بعد انہوں نے خوشی کا اظہار کیا کہ ان کا نام انڈیا بک آف ورلڈ ریکارڈ میں درج کیا گیا۔ اس سے پہلے اس نے 2020-21 اور 2021-22 میں ہبلی بائیسکل کلب سے کئی ایوارڈز جیتے ہیں۔ وہ ہبلی بائیسکل کلب کے صدر بھی رہ چکے ہیں۔
گرومورتی کرکٹ،والی بال،فٹبال اور ٹینس سمیت بہت سے کھیلوں میں دلچسپی رکھتے ہیں۔ لیکن 60 سال کی عمر میں انہوں نے فٹ رہنے کے لئے ایک حکمت عملی تیار کی۔ سائیکلنگ ان کے لئے کے لئے سب سے بہتر آپشن بنی۔ انہوں نے سائیکلنگ کے ذریعہ خود کو فٹ رکھنے کی کوشش شروع کی اور اسی کوشش کے سبب ان کا نام انڈیا بک آف ریکارڈ میں درج ہو گیا۔
یہ بھی پڑھیں:Dr Kafil Khan طلبہ ہر حال میں ہمت نہ ہاریں اور محنت سے کامیابی کی اور بڑھیں، ڈاکٹر کفیل خان
سائیکل کلب کے رکن سبرامنیا نے گرومورتی کی کامیابی پر خوشی کا اظہار کرتے ہوئے کہا کہ ان کی کامیابی موجودہ نوجوان نسل کے لیے ایک رول ماڈل ہے۔ یہ کامیابی آسان نہیں ہے۔ صبح 4 بجے سے لے کر رات 8 بجے تک 100 دن تک مسلسل 50 کلومیٹر سائیکل چلانا ایک بہت بڑی کامیابی ہے۔ یہ اس کی محنت کا نتیجہ ہے۔ گرومورتی ہبلی کے لوگوں کو سائیکل چلانے کی ترغیب دے رہے ہیں، اس لیے بہتر ہے کہ ٹینڈر سیور روڈ کا نام گرومورتی روڈ رکھا جائے۔
