ریاست کرناٹک میں گزشتہ 24 گھنٹوں میں کورونا وائرس کے 116 نئے معاملے سامنے آنے کے بعد کل متاثرین کی تعداد 1578 ہوگئی ہے۔
اطلاع کے مطابق اڈوپی میں کورونا وائرس کے 25 سے زیادہ معاملے سامنے آئے ہیں، اس کے بعد ہسن ضلع میں سب سے زیادہ 13 معاملے سامنے آئے ہیں۔
اس کے علاوہ شمالی کنڑ، جنوبی کنڑ، شیو موگا، بنگلورو شہری، بیدر، مانڈیا، بیلگاوی، چکبلاپورا، داون گیرے، وجے پورا، دھارواڑ، میسور، بلاری اور تمکرو اضلاع میں بھی کورونا وائرس کے نئے معاملے سامنے آئے ہیں۔
ایسا بتایا جارہا ہے کہ جمعرات کو سامنے آئے نئے معاملات میں ویسے متاثرین شامل ہیں جو مہاراشٹر سے واپس آئے ہیں۔
واضح رہے کہ کرناٹک میں گزشتہ 24 گھنٹوں میں 14 لوگوں کے صحت یاب ہونے کے بعد انہیں ہسپتال سے چھٹی دے دی گئی ہے، تاہم ریاست میں ابھی تک کورونا وائرس سے 41 لوگوں کی موت ہوئی ہے۔
