جھارکھنڈ کے تین اساتذہ کو قومی اساتذہ ایواراڈ سے نوازا گیا ہے۔ یوم اساتذہ کے موقع پر صدر رام ناتھ کووند نے ویبنار کے ذریعے اساتذہ کو اعزاز سے نوازا ۔
جھارکھنڈ کے تین اساتذہ کو قومی اساتذہ ایوارڈ سے نوازا گیا
سمڈیگا کے سمتھ کمار سونی، بوکارو کی نروپما کماری اور جمشید پور کی ایشیتا ڈے نے یہ اعزاز حاصل کیا۔ ضلعی ہیڈ کوارٹرز میں ڈپٹی کمشنر کی جانب سے ان اساتذہ کو چاندی کا تمغہ ، سرٹیفیکٹ اور چیک دے کر اعزاز سے نوازا گیا۔
مرکزی وزارت تعلیم کی جانب سے ایوارڈ کے طور پر دی جانے والی رقم اور سرٹیفیکٹ پہلے ہی بھیج دیا گیا تھا۔ واضح رہے کہ سابق صدر پرنب مکھرجی کی موت پر قومی سوگ کی وجہ سے جھارکھنڈ کی حکومت نے ریاست کا کام ملتوی کردیا ہے۔
