ریاست جھارکھنڈ میں ہجومی تشدد کا شکار ہوئے تبریز انصاری کی پوسٹ مارٹم رپورٹ پیش کردی گئی ہے، جس میں انکشاف ہوا ہے کہ تبریز کی موت سر پر چوٹ لگنے سے برین ہیمریج ہوگیا جس سے اس کی موت ہوگئی ۔
خیال رہے کہ تبریز انصاری کے کیس میں پولیس کے کردار پر بھی سوالات اٹھائےجارہے ہیں۔
اطلاع کے مطابق بھیڑ جب تبریز انصاری کو تھانہ لے کر آئی، تو پولیس نے ان کا بیان درج کیا، لیکن شکایت میں ان پر ہوئے حملے کا تذکرہ نہیں کیا تھا۔
پوسٹ مارٹم رپورٹ میں کہا گیا ہے کہ جن ڈاکٹروں نے تبریز کا علاج کیا، انہوں نے صحیح سے جانچ نہیں کی تھی۔
خیال رہے کہ ایکسرے رپورٹ میں ان کے سر کی ہڈی ٹوٹی ہوئی پائی گئی، جس کی وجہ سے برین ہیمریج ہوگیا جس کا علاج نہیں کیا گیا، اور انہیں جیل بھیج دیا گیا۔
