غلطی سے گولی لگنے سے فوجی جوان کی موت

جموں خطہ میں حادثاتی فائر سے ایک فوجی جوان کے ہلاک ہونے کی اطلاع ہے۔

جموں و کشمیر کے گرمائی دارالحکومت جموں کے اکھنور سیکٹر میں ایک فوجی اہلکار اس وقت ہلاک ہو گیا جب انہیں ٹرینگ کے دوران غلطی سے گولی لگی۔

فوجی ترجمان نے بتایا کہ جموں کے اکھنور سیکٹر میں ٹرینگ کے دوران آرٹلری رجمنٹ کے گنر سیان گھوش کو غلطی سے گولی لگی جس کی وجہ سے وہ شدید زخمی ہو گئے۔

زخمی جوان کو ہسپتال منتقل کیا گیا تاہم انہوں نے زخموں کی تاب نہ لاکر دم توڑ دیا۔ فوجی ترجمان نے بتایا کہ یہ واقعہ تقریباً صبح دس بجے پیش آیا۔