راجوری: مرکز کے زیر انتظام خطہ جموں و کشمیر کے ضلع راجوری کے کنڈی علاقے کے کیسری ہل کے جنگلات میں بھارتی فوج کا آپریشن ترنیترا جاری ہے اور جنگلوں میں چھپے عسکریت پسندوں کی تلاش بھی جاری ہے۔ اس دوران جی 20 کے حوالے سے سکیورٹی ایجنسیوں کو مختلف طرح کے ان پٹ مسلسل آرہے ہیں جس کے پیش نظر سکیورٹی ایجنسیوں نے چوکسی مزید بڑھا دی ہے۔
اس کے ساتھ ہی سکیورٹی ایجنسیوں نے عسکریت پسندوں کو پکڑنے اور ان کے منصوبوں کو ناکام بنانے کے لیے لوگوں کی مدد بھی طلب کی ہے۔
جموں و کشمیر پولیس اب راجوری اور پونچھ کے مختلف علاقوں میں لوگوں تک پہنچ کر اعلان کر رہی ہے اور لوگوں سے مدد کی اپیل کر رہی ہے۔ جموں و کشمیر پولیس لوگوں سے اپیل کر رہی ہے کہ اگر وہ کسی بھی مشکوک چیز کو دیکھیں تو فوری طور پر پولیس کو مطلع کریں، ساتھ ہی لوگوں سے یہ بھی کہا گیا ہے کہ وہ گاڑی میں بیٹھنے سے پہلے اپنی گاڑیوں کو اچھی طرح چیک کریں تاکہ سٹکی بم یا پرفیوم بم جیسے خطرات سے نمٹا جا سکے۔
مزید پڑھیں: DGP Dilbagh Singh Visits Kupwara ڈی جی پی دلباغ سنگھ کا سرحدی علاقوں کا دورہ
اس کے علاوہ جموں و کشمیر پولیس نے راجوری اور پونچھ کے علاقوں میں سڑک کنارے رہنے والے تمام رہائشیوں اور دکانداروں سے کہہ رہی ہے کہ وہ اپنے مکانوں اور دکانوں پر سی سی ٹی وی کیمرے لگائیں تاکہ اگر مشکوک شخص علاقے سے گزرتا ہے تو اسے یہاں روکا جا سکے۔
