جموں میں 13 جولائی کی تقریبات نہیں منائی گئی

جموں و کشمیر کے سابق وزیر اعظم شیخ محمد عبداللہ نے 13 جولائی کے دن کو یوم شہداء قرار دیا تھا۔ انہوں نے ڈوگرہ حکومت کے مظالم کے خلاف آواز اٹھانے والے 22 شہداء کی یاد میں اس دن کو منانے کا فیصلہ کیا تھا۔

مرکز کے زیر انتظام علاقہ جموں میں پہلی بار 13 جولائی یعنی 'یوم شہداء' کے موقع پر کسی بھی طرح کی سرکاری تقریبات کا انعقاد نہیں کیا گیا۔ سنہ 1948 کے بعد پہلی مرتبہ اس طرح کا فیصلہ لیا گیا ہے۔

جولائی کے موقع پر جموں و کشمیر میں سرکاری تعطیل ہوا کرتی تھی۔ تاہم اس بار یہ چھٹی بھی منسوخ کردی گئی ہے۔ جموں سے وابستہ ڈوگرہ اسے یوم سیاہ کے طور پر مناتے تھے۔ تاہم اس بار ایسا بھی جموں میں دیکھنے کو نہیں ملا۔ واضح ہو کہ جموں و کشمیر کے سابق وزیر اعظم شیخ محمد عبداللہ نے 13 جولائی کے دن کو یوم شہداء قرار دیا تھا۔ انہوں نے ڈوگرہ حکومت کے مظالم کے خلاف آواز اٹھانے والے 22 شہداء کی یاد میں اس دن کو منانے کا فیصلہ کیا تھا۔