جموں کے سنجواں علاقے میں آج دون اسکول کی جانب سے 'بچیوں کے عالمی دن' کے خصوصی موقع پر تقریب کا اہتمام کیا گیا۔
تقریب میں طالبات کے ساتھ ساتھ ان کے والدین نے بھی شرکت کی۔
اطلاع کے مطابق سنجواں علاقے کے پارک میں اس پروگرام کا اہتمام کیا گیا، جس میں طالبات نے رنگا رنگ پروگرام پیش کیے۔
یہ پروگرام خاص طور پر بچیوں کے حقوق اور سماج میں ان کو برابری کا درجہ دلانے کے لیے منعقد کیا گیا۔
مزید پڑھیں: کشمیر: امتحانات کی ڈیٹ شیٹ جاری، طلبا پریشان
بچیوں کا عالمی دن ہر برس 11 اکتوبر کو بھارت سمیت پوری دنیا میں منایا جاتا ہے، بچیوں پر ہو رہے ظلم و زیادتی کے خلاف عالمی پیمانے پر آواز اٹھائی جارہی ہے۔
بچیوں کو تعلیم سے دور رکھنا اور دیگر کئی زیادتیاں یہ انسانی حقوق کی خلاف ورزی ہے۔
اقوام متحدہ کی جنرل اسمبلی نے بچیوں کے حقوق اور ان کے مسائل کی جانب توجہ مبذول کرانے کے لیے 11 اکتوبر کو 'عالمی یوم بچیاں' منانے کا فیصلہ کیا ہے۔
