جموں و کشمیر حکومت کی جانب سے بدھ کو جاری کیے گئے اعداد و شمار کے مطابق عالمی وبا کورونا وائرس کے 250 نئے مثبت معاملات سامنے آئے ہیں۔ جن میں 135صوبہ جموں جبکہ 115 کشمیر سے درج کئے گئے ہیں۔
گزشتہ چوبیس گھنٹوں کے دوران عالمی وبا سے صوبہ جموں میں ایک جبکہ وادی کشمیر میں دو افراد کے فوت ہونے کی بھی تصدیق کی گئی ہے۔
اعداد و شمار کے مطابق اس دوارن 338افراد وبائی مرض سے شفا یاب ہو کر اسپتالوں سے رخصت کیے گئے۔ شفایاب ہونے والے مریضوں میں 139صوبہ جموں جبکہ 199کشمیر سے تعلق رکھتے ہیں۔
میڈیا بلیٹن کے مطابق اب تک درج کیے گئے کُل 119053مثبت معاملات میں صرف 3555ہی فعال ہیں۔ جبکہ کل مثبت معاملات میں سے 113645شفایاب اور 1853فوت ہوچکے ہیں۔
عالمی وبا کورونا وائرس سے اب تک صوبہ جموں میں 682جبکہ وادی کشمیر میں 1171افراد فوت ہو چکے ہیں۔
