لیفٹیننٹ گورنر کے مشیر راجیو رائے بھٹناگر نے آج گورنمنٹ میڈیکل کالج جموں کا دورہ کیا اور جموں و کشمیر پولیس کے جوانوں سے ملاقات کی جو نگروٹہ تصادم کے دوران زخمی ہوئے تھے۔
اپنے دورے کے دوران مشیر بھٹناگر نے میڈیکل آفیسرز سے دونوں جوانوں کی حالت کے بارے میں دریافت کیا اور انہیں بتایا گیا کہ وہ دونوں مستحکم ہیں۔
مشیر نے میڈیکل سپرنٹنڈنٹ کو ہدایت دی کہ وہ اس بات کو یقینی بنائے کہ زخمی جوانوں کو بہترین ممکنہ میڈیکل سہولیات فراہم کی جائے۔
انہوں نے زخمی اہلکاروں کی بہادری کی تعریف کی اور یقین دلایا کہ انہیں ہر طرح کی مدد فراہم کی جائے گی۔
