مزدوروں نے ایک خبر رساں ایجنسی کو بتایا کہ ہماچل پردیش کی حکومت نے کورونا وائرس کی وجہ سے نافذ لاک ڈاؤن کے درمیان انہیں جموں و کشمیر جانے کی اجازت دے دی اور جمعہ کے روز رات ساڑھے دس بجے وہ چھ بسوں کے ذریعے جموں و کشمیر روانہ ہوئے۔
ان مزدروں نے ہماچل پردیش حکومت کا شکریہ ادا کرتے ہوئے کہا کہ اس لاک ڈاؤن میں انہیں اپنے اپنے آبائی علاقے کی طرف جانے کی اجازت دی گئی۔ تقریباً 168 کشمیری مزدوروں کو جموں و کشمیر جانے کی اجازت مل گئی ہے۔
انہوں نے مزید کہا کہ لکھن پور سے جموں و کشمیر کی انتظامیہ انہیں اپنے آبائی علاقوں تک پہنچنے کے لیے انتظامات کرے گی۔
مزدوروں نے بتایا کہ ضلع انتظامیہ اور مقامی لوگوں نے انہیں راشن سمیت ہر ممکن مدد فراہم کی لیکن وہ اپنے گھروں کو واپس جانا چاہتے ہیں کیوںکہ کورونا کے پیش نظر نافذ لاک ڈاؤن کی وجہ سے ایک ماہ سے ایک پیسہ بھی وہ نہیں کما پائے تھے۔ ان کا روزگار پوری طرح ختم ہوچکا ہے۔
