وادی کشمیر کے وسطی ضلع گاندربل میں زیر تعمیر زیڈ موڑ ٹنل پر مقامی مزدوروں کو کام نہ دینے پر سرپنچ ایسوسی ایشن کے صدر نذیر احمد رینہ نے انتظامیہ کو دھمکی دیتے ہوئے کہا کہ وہ اپنے حلقہ اسمبلی کے لوگوں کو لے کر سرینگر لیہہ قومی شاہراہ پر دھرنا دیں گے۔
خیال رہے کہ لیہہ سرینگر شاہراہ پر موسم سرما میں بھاری برفباری کی وجہ سے گاڑیوں کی نقل و حمل بند ہوجاتی ہے جس کے لیے 23 کلومیٹر ٹنل زیر تعمیر ہے ۔
اگرچہ اس ٹنل پر ایک سال بعد دوبارہ شروع کیا گیا ہے تاہم مقامی لوگوں کا الزام ہے کہ اب ہر طرح مزدور باہر سے لائے جا رہے ہیں جس پر مقامی لوگوں نے احتجاج بھی کیا ہے۔
وہیں سرپنچ ایسوسی ایشن کے صدر نے کہا کہ اگر انتظامیہ نے جلد سے جلد مزدوروں کے مطالبات حل نہ کیے تو وہ علاقے کے لوگوں کے ساتھ سرینگر لیہہ شاہراہ کو بند کریں گے ۔
انہوں نےکہا کہ اس علاقے کے لوگ مزدوری پر اپنی روزی روٹی کماتے ہیں اور کورونا وائرس کی وجہ سے انہیں مزدوری بھی نہیں مل رہی ہے جب سے ٹنل والوں نے انہیں کام سے نکالا ہوا ہے۔
اگرچہ ای ٹی وی بھارت کے نمائندے نے ٹنل میں کام کر رہے اعلی افسران سے بات کرنے کی کوشش کی تو انہوں نے بات کرنے سے انکار کر دیا۔
