جموں وکشمیر کے ضلع بانڈی پورہ میں ڈور ٹو ڈور ویکسینیشن مہم کے تحت ایک ماہ قبل سے لوگوں کو ویکسین لگائی جارہی ہے جو کووڈ کی روک تھام کے لئے کارگر ثابت ہوئی ہے۔
انتظامیہ کے مطابق تقریباً ایک ماہ قبل ضلع میں روزانہ کی بنیاد پر پازیٹیو کیسز کی تعداد 19 فیصد تھی، لیکن اس مہم کے شروع ہونے کے بعد سے یہ فیصد کم ہوکر اب 5 فیصد سے بھی کم رہ گئی۔
ویڈیو
ڈور ٹو ڈور ویکسینیشن مہم کے تحت گزشتہ روز ضلع انتظامیہ نے بی ایم او بانڈی پورہ ڈاکٹر مسرت کی رہنمائی میں ایک ٹیم دور دراز کے پہاڑی علاقے میں روانہ کی جہاں پہنچنے کے لیے سڑک تک نہیں تھی۔
اس کے باوجود بھی میڈیکل ٹیم پہاڑیوں سے سفر کرتے ہوئے اس علاقے میں پہنچی اور سینکڑوں افراد کا ٹیسٹ اور ویکسینیشن کیا اس کے علاوہ مقامی لوگوں کو کووڈ کی روک تھام کے لئے جانکاری فراہم کی۔
