نوشہرہ صورہ کی رہنے والی شائستہ ارشاد نے پولیس تھانہ خانیار میں شکایت درج کرائی تھی کہ دستگیرصاحبؒ کے آستانہ میں دو نامعلوم خواتین نے ان کی چوڑیوں کا سرقہ کرلیا جس کی قیمت ایک لاکھ 20 ہزار بتائی گئی تھی۔
شکایت موصول ہونے کے بعد پولیس تھانہ خانیار نے ایف آئی آر درج کرکے تحقیقات کا آغاز کیا۔ پولیس نے دو دن کے اندر معاملہ کو سلجھالیا اور اس سلسلہ میں دونوں مشتبہ خواتین کو گرفتار کرلیا اور ان کے قبضہ سے مسروقہ مال برآمد کرلیا۔
گرفتار کی گئی خواتین کی شناخت کجلان خاتون اور سلمیٰ کی حیثیت سے کی گئی جو چکورہ ماگام کی رہنے والی ہیں۔
