سڑک حادثے میں خاتون ہلاک، متعدد زخمی

ریاست جموں و کشمیر کے جنوبی ضلع اننت ناگ کے شول بیٹنگو میں ایک منی بس حادثے کا شکار ہوگئی۔ اس حادثے میں ایک خاتون ہلاک اور پانچ افراد زخمی ہو گئے۔

تفصیلات کے مطابق اننت ناگ کے شول بیٹنگو کے مقام پر ایک منی بس اچانک پلٹ گئی جس کے نتیجے میں متعدد مسافر زخمی ہو گئے۔

زخمی افراد کو مقامی اسپتال میں داخل کرایا گیا جہاں پر ڈاکڑز نے ایک خاتون کی موت کی تصدیق کر دی۔

خاتون کی شناخت سڈسونہ علاقے سے تعلق رکھنے والی تاجہ بیگم کے طور پر ہوئی ہے۔

پولیس نے اس ضمن میں کیس درج کر کے تحقیقات شروع کر دی ہے۔