جموں و کشمیر کے ضلع ڈوڈہ میں ایڈونچر ٹورزم کو فروغ دینے کے لئے ضلع انتظامیہ ڈوڈہ اور بی ڈی اے، جے کے ایڈونچر گروپ کے اشتراک سے جمعہ کے روز دریائے چناب کے اوپر منعقدہ دو روزہ وائٹ واٹر رافٹنگ میلہ کامیابی کے ساتھ اختتام پذیر ہوا۔
میلے کے دوران رافٹنگ پروگرام کے علاوہ ضلع انتظامیہ نے مقامی افراد کے خوشنودی کے لئے پنڈال میں متعدد سرگرمیاں منعقد کی تھی جن میں والی بال میچز، کبڈی، فری اسٹائل ریسلنگ، اور ڈانس پروگرام وغیرہ شامل تھے۔
ویڈیو
وہیں انتظامیہ کی جانب سے رافنٹنگ کے لئے معیاری اور حفاظت کے سخت انتظامات کئے گئے تھے۔
میلہ کے اختتام کے بعد ڈی سی نے صحافیوں سے گفتگو کرتے ہوئے کہا کہ 'رافٹنگ کے حوالے سے عوام کی ردعمل کو دیکھتے ہوئے آئندہ دنوں میں نوجوانوں کے سیر و تفریح کے لئے اسے یومیہ معمول شامل کیا جائے گا۔
