ہلاک شدہ عسکریت پسند کے گھر پر چھاپہ

ریاست جموں و کشمیر کے ضلع کولگام کے واری پورہ علاقے میں ہلاک شدہ عسکریت پسند کے اہل خانہ نے الزام لگایا کہ فوج نے دیر رات ان کے گھر میں توڑ پھوڑ کرکے ان کے دو بیٹوں کو گرفتار کیا ہے۔

اہل خانہ کا کہنا ہے کہ فوج نے دیر رات ان کے گھر سے ہلاک شدہ عسکریت پسند عامر تانترے کے دو بھائیوں مدثر احمد تانترے اور اعجاز احمد تانترے کو گرفتار کیا اور دیگر اہل خانہ کو بھی نشانہ بنایا۔

واضح رہے کہ عامر تانترے 8 اکتوبر2018 کو ضلع اننت ناگ کےبجبہاڑہ علاقے میں عسکریت پسندوں اور سکیورٹی فورسز کے درمیان تصادم میں ہلاک ہوئے تھے۔

ہلاک شدہ عسکریت پسند کی بہن نے کہا کہ 'اگر ہمارا بھائی عسکریت پسند تھا وہ تو ہلاک ہوگیا '۔ میں گورنر انتظامیہ سے گزارش کرتی ہوں کہ ہمارے ساتھ انصاف کیا جائے۔