ای ٹی وی بھارت کے نمائندے کے مطابق سکیورٹی فورسز نے قاضی گنڈ علاقے میں قومی شاہراہ پر کچھ مشتبہ چیز کو دیکھا جس کے بعد شاہراہ پر دونوں طرف سے آنے والی گاڑیوں کو فوری طورپر روک دیا گیا اور بم ناکارہ بنانے والے دستہ کو مطلع کیا گیا۔
نمائندے نے بتایا کہ سڑک کے کنارے بم ڈسپوزل اسکارڈ نے دو بارودی سرنگیں دریافت کیں جنہیں ناکارہ بنانے کی کوشش کی جارہی ہے۔
خدشہ ظاہر کیا جارہا ہے کہ شدت پسندوں نے ان بارودی سرنگوں کو سکیورٹی فورسز کو نشانہ بنانے کیلئے نصب کیا ہے۔
اس سے قبل بھی سیکیورٹی فورسز نے علاقے میں دو بارودی سرنگیں بر آمد کرکے ناکارہ بنائی ہیں۔
واضح رہے کہ سرینگر ۔ جموں قومی شاہراہ، وادی کو باہری دنیا سے جوڑنے والی اہم شاہراہ ہے ۔
گزشتہ ہفتہ سلامتی دستوں نے پانپور قصبے کے نزدیک پریشر کوکر میں رکھے گئے طاقتور دھماکہ خیز مواد کا پتہ لگاکر اسے ناکارہ بنایا تھا۔
