جموں سرینگر قومی شاہراہ کے دھنس جانے سے ٹریفک کی نقل و حرکت دوبارہ بند ہوگئی ہے۔
اطلاعات کے مطابق آج شام قریب پانچ بجے رامبن اور ناشری سیکٹر کے درمیان ڈھلواس کے مقام پر شاہراہ کا ایک حصہ دھنس گیا جس کی وجہ سے شاہراہ دوبارہ مکمل طور بند ہوگئی ہے۔ تعمیری کمپنی گیمن انڈیا نے بتایا کہ شاہراہ کو بحال کرنے میں قریب چار سے پانچ گھنٹے درکار ہے۔
انہوں نے کہا کہ 'ڈھلواس کے مقام پر چار گلیارے والی سڑک کا ایک حصہ منہدم ہوا جس کی وجہ سے ٹریفک کی نقل و حمل بند کر دی گئی ہے۔'
واضح رہے کہ گزشتہ شام دو روز کے بعد شاہراہ کو بحال کیا گیا تھا۔ تاہم شاہراہ آج دوبارہ بند ہو گی اور سینکڑو مسافر رامبن اور ناشری کے درمیان درماندہ ہو گئے ہیں۔
