سرینگر، جموں اور لیہہ میں ریڈیو اسٹیشنز کا نام بدل کر اب آل انڈیا ریڈیو جموں، آل انڈیا ریڈیو سرینگر اور بالترتیب آل انڈیا ریڈیو لیہہ رکھا گیا ہے۔ اس کا اطلاق جمعرات کی دیر شب یعنی31 اکتوبر سے نافذ ہوں گی۔
قابل ذکر ہے کہ جموں و کشمیر کا ریاست کا درجہ جمعرات کو ختم ہوگیا۔ اب جموں و کشمیر مرکز کے زیر انتظام علاقوں- لداخ اور جموں و کشمیر میں منقسم ہوگیا ہے۔
واضح رہے کہ ریڈیو کشمیر کو 1948 میں قائم کیا گیا تھا۔ اس کا نشریاتی اسٹیشن سرینگر میں واقع ہے۔ جے این زوتشی ریڈیو کشمیر کے پہلے ڈائریکٹر جنرل تھے۔
مرکزی حکومت نے دفعہ 370 کے تحت جموں و کشمیر کو حاصل خصوصی حیثیت کو ختم کرنے کے تقریباً تین ماہ بعد ریاست کو سرکاری طور پر دو مرکزی علاقے 'جموں و کشمیر' اور 'لداخ' میں تقسیم کردیا۔ جموں و کشمیر میں قانون سازی کا تسلسل برقرار ہے جیسے پڈوچیری میں ہے، لیکن لداخ چنڈی گڑھ کی طرح بغیر قانون ساز رکھا گیا ہے۔
سرینگر کے راج بھون میں گریش چندر مُرمو نے مرکز کے زیر انتظام علاقہ جموں و کشمیر کے پہلے لیفٹننٹ گورنر کے عہدے کا حلف لیا۔
آج صبح ایک تقریب کے دوران رادھا کرشنا ماتھر کو مرکز کے زیر انتطام علاقہ لداخ کے پہلے لیفٹننٹ گورنرکے عہدہ کا حلف دلایا گیا۔
