پلوامہ: مرکز کے زیر انتظام یوٹی جموں و کشمیر میں پی ڈی پی کے ترجمان ڈاکٹر ہربخش سنگھ نے ترال میں ایک تقریب کے بعد ذرائع ابلاغ کے ساتھ بات کرتے ہوئے کہا کہ ان کی پارٹی ایک نئے جوش کے ساتھ عوام کی آواز بن کر تمام جائز مراعات کو حاصل کرنے کی جدو جہد جاری رکھے گی۔
انہوں نے کہا کہ سپریم کورٹ کے فیصلے کے بعد ہی پارٹی صدر محبوبہ مفتی نے ویڈیو جاری کر کے پی ڈی پی کے مستقبل کے لائحہ عمل کا اظہار کیا۔ ہماری پارٹی وعدہ بند ہے کہ جموں وکشمیر کے جائز مطالبات کے حقوق کی لڑائی کے لیے کام کیا جائے گا۔ پارلیمانی انتخابات کے حوالے سے بات کرتے ہوئے ڈاکٹر ہربخش سنگھ نے کہا کہ سیاسی پارٹیاں ہر وقت انتخابات کے لیے تیار رہتی ہیں اور پی ڈی پی بھی اس حوالے سے تیار ہے اور جب بھی انتخابات ہوں گے تو ان کی پارٹی بھی اپنے امیدوار کھڑا کرے گی۔
یہ بھی پڑھیں: موسمی صورتحال سے نمٹنے کی خاطر افراد قوت کے ساتھ جدید مشینیں تیار، اطہر عامر
انہوں نے کہاکہ محبوبہ مفتی کی جانب سے سری نگر یا اننت ناگ پارلیمانی سیٹ پر الیکشن لڑنے کے بارے میں پوچھے گیے سوال کے جواب میں ہربخش سنگھ نے کہا کہ انتخابات کا اعلان ہونے کے ساتھ ہی اس پارلمانی امور کی کمیٹی اس حوالے سے فیصلہ لے گی کیونکہ امیدواروں کا تعین اسی کمیٹی کے حد اختیار میں ہے۔
