بھارتی فوج کے شمالی کمان کے سربراہ لیفٹننٹ جنرل رنبیر سنگھ وادی کشمیر پہنچ گئے جہاں انہوں نے موجودہ حالات کا جائزہ لیا۔ ان کے ہمراہ چنار کور (پندرہ کور) کے کمانڈر لیفٹننٹ جنرل کے جی ایل ڈھلون بھی موجود تھے۔
انہوں نے سرحدی ضلع بارہمولہ کا دورہ کیا اور لائن آف کنٹرول پر جاری کشیدگی پر تبادلہ خیال کیا۔دورہ کے دوران رنبیر سنگھ کو درانداری مخالف کاروائیوں سے آگاہ گیا اور آپریشنل تیاریوں سے بھی واقف کرایا گیا۔
آرمی سربراہ نے فوج کی صلاحیتوں کی ستائش کرتے ہوئے کہا کہ فوج کی انتھک کاوشوں کی وجہ سے ہی وادی میں امن و امان قائم ہوا ہے۔
