بھوپیش بگھیل نے ایک قومی اخبار کو دیے گئے انٹرویو میں کہا ہے کہ کانگریس لیڈر سچن پائلٹ کے بی جے پی والی مرکزی سرکار کے ساتھ سیاسی ساز باز کے بنا پر ہی نیشنل کانفرنس کے صدر اور پارلیمنٹ فاروق عبدللہ اور پارٹی کے نائب صدر اور سابق وزیر اعلی عمر عبداللہ کی پی ایس اے تحت جیل سے رہائی ممکن ہو پائی ہے۔
بگھیل کے اس بیان پر نیشنل کانفرنس نے سنجیدہ نوٹس لیتے ہوئے کہا کہ وہ ان کے خلاف قانونی کاروائی عمل میں لائی گی۔ پارٹی نے کہا کہ بگھیل کے دیے گئے انٹرویو میں فاروق عبد اللہ اور عمر عبداللہ کی رہائی کے متعلق کہی گئی باتیں کسی بھی لحاظ سےصحیح نہیں ہیں وہ سراسر غلط ہے ۔ان میں کوئی بھی سچائی نہیں ہے۔
این سی چھتیس گڑھ کے وزیر اعلی کے اس بیان کو سنجیدہ نوٹ لیتے ہوئے ان کے خلاف قانونی چارہ جوئی عمل میں لانے کی تیاری کر رہی ہے اور اس حوالے سے پارٹی نے اپنے وکیل سے بھی بات کی ہے۔
بھوپیش بگھیل کے بیان کے ردعمل میں سابق وزیر اعلی عمر عبدللہ ٹویٹ پیغام بھی سامنے آیا ہے۔
بھوپیش بگھیل نے ایک ٹویٹ میں کہا 'براہ کرم جمہوریت کی اس اذیت ناک موت کو موقع پرستی کے طور استعمال نہ کریں جناب عمرعبدللہ جی۔ یہ 'الزام' ایک سوال تھا اور ہم ایسے سوال پوچھتے رہیں گے'۔
واضح رہے کہ بگھیل نے انٹرویو میں مزید کہا ہے کہ سچن پائلٹ بی جے پی کے ساتھ سیاسی ساز باز کر کے راجستھان کی سیاست میں ردبدل لانے کی فراق میں ہیں۔
