مسلسل تین روز آمد رفت بند کے بعد جموں و کشمیر کو بھارت کے ساتھ جوڑ نے والے 270 کلو میٹر لمبی جموں ۔سرینگر قومی شاہراہ کو آج تین بجے دوبارہ یک طرفہ ٹریفک کے لیے بحال کر دیا گیا ہے۔
قومی شاہراہ رامبن کے قریب ڈیگڈول کے مقام پر بدھ کے روز لینڈ سلائیڈ (بھاری چٹانیں اور مٹی کے تودے گرآنے) سے شاہراہ کو آمد رفت کے لیے بند کردیا گیا تھا۔
جس کی وجہ سے 3000 مسافر و مال بردار گاڑیاں رامبن اور بانہال کے درمیان درماندہ ہو گئی تھی۔
ڈپٹی ایس پی ٹریفک نیشنل ہائی وے رامبن اجے آنند کے مطابق شاہراہ کو یک طرفہ ٹریفک کے لیے بحال کر دیا گیا ہے۔ جموں کی طرف مسافر بردار گاڑیوں کو چھوڑ دیا گیا ہے اور اس کے بعد وادی کی طرف مسافر بردار گاڑیاں کو چھوڑا جائے گا۔ شاہراہ پر درماندہ گاڑیوں کو ہی چلنے کی اجازت دی گئی ہے، ادھمپور اور قاضی کنڈ سے آگے بڑھنے کی کسی گاڑی کو اجازت نہیں دی جائیگی'۔
