ایک پریس کانفرنس کے دوران میونسپل کمیٹی سمبل کے چیئرمین جہانگیر احمد نے اس بات کا اعلان کیا ہے کہ وہ مائی ٹاؤن مائی پرائڈ پروگرام کا بائیکاٹ کرینگے -
انہوں نے کہا کہ میونسپل کمیٹی سمبل گزشتہ دو برسوں سے ایگزیکیوٹیو آفیسر کے بغیر کام کر رہی ہے اور ایک عرصے سے ای او کی تعیناتی عمل میں نہیں لائی جا رہی ہے۔
اضافی کرائے کی وصولی، ڈرائیوروں پر جرمانہ عائد
انہوں نے کہا کہ گزشتہ دو برسوں سے کمیٹی بغیر ایگزیکیوٹیو آفیسر کے کام کررہی ہے جس کی وجہ سے میونسپلٹی کے سارے کام متاثر ہو رہے ہیں۔
جہانگیر احمد نے ضلع بانڈی پورہ کے سمبل تحصیل میں ایک پریس کانفرنس منعقد کی جس میں انہوں نے کہا کہ دو برسوں میں انہوں نے کئی دفعہ اعلیٰ حکام کو اس حوالے سے باخبر کیا اور اس بات کا مطالبہ بھی کیا تاہم حال ہی میں جب ایگزیکیوٹیو آفیسر کی تبدیلی کے احکامات جاری کئے گئے اس میں سمبل میونسپل کمیٹی کو ایک بار پھر نظر انداز کیا گیا-
ان کا ماننا ہے کہ سمبل میونسپل کمیٹی میں ای او کے نہ ہونے کی وجہ سے میونسپل کمیٹی کا سارا کام کاج درہم برہم ہوکر رہ گیا ہے۔
انہوں نے متعلقہ حکام کو متنبہ کیا کہ اگر میونسپل کمیٹی سمبل کے لئے فوراً ای او کی تعیناتی عمل میں نہیں لائی جاتی تو وہ آنے والے مائی ٹاون مائی پرائڈ پروگرام کا مکمل بائیکاٹ کرینگے اور ان کے اس فیصلے میں ان کے تمام کونسلروں کی تائید و حمایت حاصل ہے۔
