اطلاعات کے مطابق ڈورہ نوپورہ علاقے میں گزشتہ 15 برس قبل ایک میریج ہال تعمیر کیا گیا تھا جو لوگوں کے کسی کام کا نہیں ہے کیوںکہ میریج ہال گنجان بستیوں والے علاقوں میں ضرور ہوتا ہے جہاں لوگوں کے مکانوں میں صحن نہیں ہوتا۔ تاہم مذکورہ گاؤں میں میریج ہال بےکار پڑا ہے۔
اس سلسلے میں مقامی لوگوں نے حکومت سے مطالبہ کیا ہے کہ میریج ہال کو اسکول میں تبدیل کیا جائے تاکہ علاقے میں طلبا کو تعلیم حاصل کرنے میں کوئی دشواری پیش نہ ہو چونکہ مذکورہ گاؤں کے اسکول میں عمارت کی کمی ہے۔
اطلاعات کے مطابق اننت ناگ کے ڈورہ نوپورہ میں تقریباً 2005 میں میریج ہال تعمیر کیا گیا تھا لیکن تب سے آج تک شاید ہی کوئی شادی بیاہ کی تقریب اس ہال میں منعقد ہوئی ہو۔
مقامی لوگوں کے مطابق ایک سرکاری ملازم نے اس پر قبضہ جما رکھا ہے اور مذکورہ ہال کو گاؤخانہ کے طور پر استعمال کر رہا ہے۔
مقامی لوگوں نے مطالبہ کیا ہے کہ مذکورہ میریج ہال کو اسکول میں تبدیل کیا جائے تاکہ علاقے کے بچوں کو تعلیم حاصل کرنے میں کوئی دشواری پیش نہ آئے۔
