جموں و کشمیر کے لیفٹیننٹ گورنر گریش چندر مرمو نے بی جے پی رہنما اور ان کے کنبے کے اراکین کی ہلاکت کی مذمت کی ہے۔
لیفٹیننٹ گورنر نے اپنے تعزیتی پیغام میں وسیم باری کے کنبے کے تئیں اظہار غم کیا۔ انہوں نے کہا ہے کہ' بے گناہوں کا قتل کرنا انسانیت کے خلاف ہے اور اس بہیمانہ قتل میں ملوث افراد کے خلاف سخت کارروائی کی جائے گی۔'
یہ بھی پڑھیں
بانڈی پورہ میں بی جے پی رہنما کی ہلاکت سے متعلق پولیس کا بیان
انہوں نے ہلاک شدہ بی جے پی رہنما کے لواحقین سے ہمدردی کا بھی اظہار کیا ۔
واضح رہے کہ پولیس کے بیان کے مطابق گزشتہ رات قریب 20:45 بجے عسکریت پسندوں نے شمالی کشمیر کے ضلع بانڈی پورہ کے مسلم آبادی والے علاقے میں بی جے پی کے مقامی رہنما وسیم باری کی رہائش گاہ کے باہر اندھا دھند فائرنگ کردی۔ اس حملے میں وسیم باری، ان کے والد بشیر احمد اور بھائی عمر بشیر بھی شدید زخمی ہوگئے تھے، تینوں زخمیوں کو اسپتال منتقل کیا گیا لیکن وہ زخموں کی تاب نہ لاکر چل بسے۔
