ایل جی منوج سنہا نے سی آئی آئی سے کہا کہ'کاروبار کے لیے راستے کھلے ہیں، جموں و کشمیر کے ساتھ شراکت میں آئیں اور ہم ترقی کے لیے تیار ہیں۔'
لیفٹیننٹ گورنر منوج سنہا نے جمعرات کو جموں و کشمیر کی صلاحیتوں کو انفرادی اور معاشرتی سطح پر نظامی مداخلت کے ذریعہ کثیر الجہتی انداز میں کھولنے پر زور دیا۔
منوج سنہا نے کہا کہ اس طرح کی مداخلت کا مقصد نوجوان کو ان کی حقیقی صلاحیتوں کے حصول کے لئے مؤثر انداز میں مدد اور حوصلہ افزائی کرنا ہے۔
لیفٹیننٹ گورنر ورچوئل موڈ کے ذریعہ منعقد کنفیڈریشن آف انڈین انڈسٹری (سی آئی آئی) پارٹنرشپ سمٹ - 2020 سے خطاب کررہے تھے۔
اپنے خطاب کے دوران لیفٹیننٹ گورنر نے اس سمٹ کی اہمیت پر روشنی ڈالی اور کہا کہ اس کا تھیم 'پارٹنرشپ فار لائیوز، لائیولی ہڈ اینڈ گروتھ' دو موضوعات کی بناء پر بہت اہم ہے۔ پہلے ہمیں یہ سمجھنا ہوگا کہ ایک ملک جزیرے کی حیثیت سے وجود نہیں رکھ سکتا اور دوسری بات ہماری معیشت کا ہر شعبہ باہم متصل ہے۔
انہوں نے کہا کہ 'چونکہ ہم معاشی نمو کو دوبارہ شروع کرنے کے لئے ایک ساتھ کام کرنے جارہے ہیں جو عالمی وبائی بیماری کی وجہ سے جزوی طور پر درہم برہم ہوگیا تھا۔ انہوں نے مزید کہا کہ ہمیں ہر شعبے میں جامع ترقی کو بڑھانے کے لئے مل کر کام کرنا ہوگا۔
منوج سنہا نے حکومت، نجی کاروباری اداروں اور سول سوسائٹی گروپوں کی مشترکہ کوششوں کے بعد دنیا کے معاشرتی، ماحولیاتی اور معاشی چیلنجوں پر قابو پانے کے لئے زور دیا ہے۔
انہوں نے کہا کہ معاشی نمو کو بحال کرنے کے لیے ہمیں کووڈ 19 سے قبل کے دور سے بھی جدید اور تیز رفتار سے کام کرنے کی ضرورت ہے۔ لیفٹیننٹ گورنر نے کہا کہ ہمارے معاشی پہیہ کا ہر شعبہ ایک دوسرے پر انحصار کرتا ہے جس طرح ایک دنیا کے دیگر ممالک معاشی تعاون اور صنعتی نمو کو بڑھانے کے لئے ایک ساتھ جڑے ہوئے ہیں اور اپنے لوگوں کے لیے حالات زندگی کو بہتر بناتے ہیں۔
گورنر نے کہا کہ 'جب وزیراعظم نے آتم نربھر بھارت کے لئے 20 لاکھ کروڑ روپئے کے خصوصی معاشی اور جامع پیکیج کا اعلان کیا تو انہوں نے کہا تھا کہ خود انحصاری 'خود غرض' ہونے سے مختلف ہے اور بھارت میں عوام کی ترقی میں اہم کردار ادا کرنے کی بہت زیادہ صلاحیت ہے۔'
لیفٹیننٹ گورنر نے سی آئی آئی کو 125 ویں سالگرہ پر مبارکباد پیش کی اور اس تنظیم کی تعریف کی کہ وہ نئے کاروبار میں اضافہ کرنے اور موجودہ افراد کے لئے تبدیلی اور قیادت کی آواز بننے کے لئے ایک عظیم کام کررہے ہیں۔
گورنر نے سی آئی آئی اور اس کے اراکین سے جموں و کشمیر کے ساتھ شراکت داری کی خواہش کی اور کہا کہ 'ہم کاروبار کے لئے کھلے ہیں اور ہم ترقی کے لیے تیار ہیں جو پائیدار اور مقصد کے ساتھ کاروبار بناتا ہے۔ آؤ اور ہمارے ساتھ شراکت کریں! اور اس پارٹنرشپ سمٹ کو اپنے آئیڈیاز اور اپنی ان پٹ سے مالا مال کریں۔'
انہوں نے کہا کہ 'میں 2021 میں جموں و کشمیر میں صنعت، نوکریاں، ہنرمند افرادی قوت، جدید دیہات اور عالمی سطح کے بنیادی ڈھانچے کو ایک ساتھ مل کر دیکھنا چاہتا ہوں لہذا ہم آپ کے تعاون سے اس مرکزی علاقہ کی خوشحال ترقی کو یقینی بنانے کے لئے اپنی پوری کوشش کریں گے۔ اس مقصد کو حاصل کرنے کے لیے میں آپ کے ساتھ ضروری مداخلت پر کام کرنے کا وعدہ کرتا ہوں۔ '
لیفٹیننٹ گورنر نے کہا کہ ہم جلد ہی جموں و کشمیر کے عالمی سرمایہ کاروں کے اجلاس کی میزبانی کرنے کی منصوبہ بندی کر رہے ہیں اور سی آئی آئی بھی اس کی شراکت دار تنظیم ہے۔'
