مقامی لوگ محکمہ پی ڈی ڈی کی جانب سے ان کے علاقے میں نئے میٹر نصب کرنے کے خلاف احتجاج کر رہے تھے۔
احتجاجیوں کے دھرنے کی وجہ سے کافی دھیر تک ٹریفک کی نقل و حمل متاثر رہی۔
محکمہ پی ڈی ڈی کے خلاف احتجاج
احتجاجیوں کا کہنا ہے کہ نئے میٹر نصب کرنے سے ان کے بجلی فیس میں اضافہ ہوگا ۔ان کا کہنا ہے کہ وہ غریب گھرانوں سے تعلق رکھتے ہیں لہذا وہ اضافی بجلی فیس کا خرچہ برداشت کرنے کی استقامت نہیں رکھتے ہیں۔
احتجاجیوں کا الزام ہے کہ اندرونی شہر کو چھوڑ کر غریب بستیوں میں مقیم لوگوں کو جان بوجھ کر پریشان کیا جا رہا ہے۔
احتجاجیوں نے ان کے علاقہ میں میٹر نصب کرنے کے سلسلہ کو فوری بند کرنے کی اپیل کی ۔
بعد میں تحصیلدار اور محکمہ پی ڈی ڈی کے جونئر انجینئر نے احتجاجیوں کو مسئلہ کا ازالہ کرنے کی یقین دہانی کی جس کے بعد انہوں نے احتجاجی دھرنا ختم کیا۔
