کولگام: آسمانی بجلی گرنے سے محکمہ زراعت کی عمارت خاکستر

کولگام میں آسمانی بجلی گرنے سے محکمہ زراعت کی عمارت جل کر خاکستر ہوئی ہے اس واقعے سے علاقے میں خوف و ہراس کا ماحول ہے۔

جموں و کشمیر کے ضلع کولگام میں آسمانی بجلی گرنے سے محکمہ زراعت کی عمارت خاکستر ہوگئی ہے۔

اطلاعات کے مطابق کیلم کولگام میں سنیچر اور اتوار کی دیر شب آسمانی بجلی گرنے محکمہ زراعت کی عمارت میں آگ لگ گئی جس کے باعث گرین ہاؤس مکمل طور پر جل کر خاکستر ہوگئی، تاہم اس واقعہ میں کوئی جانی نقصان کی اطلاع نہیں ہے۔

واضع رہے جنوبی کشمیر کے اکثر علاقوں میں گذشتہ روز سے موسلادھار بارشیں ہورہی ہیں جس کی وجہ سے درجہ حرارت میں کمی آئی ہے۔ حالانکہ محکمہ زراعت کے آفس پر آسمانی بجلی گرنے سے علاقے کے لوگوں میں خوف و ہراس کا ماحول ہے۔