وادی کشمیر میں حکومت کی جانب سے لوگوں کو چند علاقوں میں جمعہ کی نماز ادا کرنے کی اجازت دی گئی تھی، لیکن انتظامیہ نےکسی بھی طرح کے احتجاج کو روکنے کے لیے سکیورٹی کے سخت انتظامات کیے تھے۔
کشمیر میں بندشیں بدستور، کئی مقامات پر مظاہرے
احتجاجیوں کے ہاتھوں میں بینرز تھے جن پر 'دفعہ 370 اور دفعہ 35 اے کو بچاؤ' کے نعرے لکھے گئے تھے۔ کئی مظاہرین اپنے ہاتھوں میں سیاہ جھنڈے لے کر مرکزی حکومت کے خلاف نعرے بازی کر رہے تھے۔
نماز جمعہ کی ادائیگی کے بعد کئی لوگ سڑکوں پر نکل آئے اور حکومت کے خلاف پر امن احتجاج کیا۔ مظاہرین میں خواتین بھی شامل تھیں۔
حکام نے ابھی تک مواصلاتی نظام بحال نہیں کیا ہے لیکن چند سرکاری افسران کے موبائل فونز سے رابطہ کرنے کی سہولیت دی گئی ہے جس سے کئی لوگ بیرون ریاست اپنے رشتہ داروں سے بات کر پائے ہیں۔
