جموں کشمیر انتظامیہ نے صنعتی سرگرمیوں کو فروغ دینے کیلئے جموں وکشمیر انڈسٹریل اراضی الاٹمنٹ پالیسی کو منظوری دی ہے تاکہ یونین ٹریٹری میں لینڈ بند قائم کیا جائے جس سے صنعتی ترقی یقینی بن سکے۔
محکمہ اطلاعات کے بیان کے مطابق جمعہ کو لیفٹیننٹ گورنر منوج سنہا کی سربراہی میں انتظامی کونسل کا اجلاس منعقد ہوا۔ اس موقع پر اس پالیسی کو منظوری دی گئی۔
انتظامی کونسل کی جانب سے منظور کردہ پالیسی کے تحت جموں و کشمیر میں صنعتی ترقی میں رکاوٹ پیدا کرنے والے اراضی سے مختلف متعلق مسائل کو حل کرنے کی کوشش کی جائے گی جبکہ اس پالیسی کے تحت جموں کشمیر میں صنعتی شعبہ کو فروغ دینے کیلئے ایک لائحہ عمل مرتب دیا جائے گا۔
اس پالیسی کے تحت صنعتی اراضی کے الاٹمنٹ کے لئے موصولہ درخواستوں کی 30 دن کے اندر جانچ پڑتال کرنے کے لئے صوبائی سطح کے پروجیکٹ کی تشخیص اور تشخیص کمیٹیوں کے قیام کا عمل میں لایا گیا ہے جبکہ کمیٹی ایپیکس سطح کی زمین الاٹمنٹ کمیٹی، اعلی سطحی زمین الاٹمنٹ کمیٹی اور صوبائی سطح کی زمین الاٹمنٹ کمیٹی فیصلہ کرنے اور درخواست گزار کو صنعتی اراضی کو 45 دن میں مختص کرنے کا فیصلہ کرے گی۔
اس پالیسی کے تحت سرمایہ کاروں کو لیز پر 40 سال کی ابتدائی مدت کے لئے اراضی الاٹ کی جائے گی جس میں بعد میں 99 سال تک توسیع کی جا سکتی ہے۔ جبکہ 2 سال کی مقررہ مدت کے اندر سرمایہ کار کے موثر اقدامات کرنے میں ناکامی پر لیز ڈیڈ کے تحت دفعات کی خلاف ورزی کی صورت میں منسوخ کیا جا سکتا ہے۔
