ریلی میں ہزاروں کی تعداد میں پارٹی کے کارکنان نے حصہ لیا یہ احتجاجی ریلی کانگریس کے دفتر شہیدی چوک سے نکالی گئی اور ڈی سی آفس جموں میں اختتام پذیر ہوئی۔
اس موقع پر کانگریس پارٹی کے مقامی صدر غلام احمد میر نے مرکز حکومت کی معاشی پالیسی پر سخت نکتہ چینی کرتے ہوئے کہا کہ 'ملک معاشی طور سے برباد ہورہا ہے'۔
انہوں نے مزید کہا کہ ' جرائم میں زبردست اضافہ ہو رہا ہے اور تاجر پریشان ہیں، بازاروں میں سناٹا چھایا ہوا۔ پاورلوم صنعت دم توڑ رہی ہے۔ پاورلوم کارخانے بند ہورہے ہیں اور مرکزی حکومت خاموش تماشائی بنی ہوئی ہے۔ جبکہ آئین کو معطل کیا گیا ہیں جو کہ جمہوریت کا قتل ہیں سیاسی لیڈروں کو تنگ طلب کیا جارہا ہیں'۔
غلام احمد میر نے کہا کہ 'اب کانگریس پارٹی خاموش نہیں بیٹھے گی حکومت کو معاشی بحران کا حل نکالنا ہوگا ورنہ کانگریس اپنا احتجاج تیز کریگی'۔
اس احتجاجی مظاہرہ میں جموں کشمیر کانگریس یونٹ کے نائب صدر رمن بلا ، چیف سپوکس پرسن راویندر شرما سمیت کثیر تعداد میں پارٹی کارکنان شامل تھے۔
