شمالی کشمیر کے ضلع بارہمولہ میں سکیورٹی فورسز نے شدت پسند تنظیم حزب المجاہدین کے اوور گراونڈ ورکر کو گرفتار کرنے کا دعویٰ کیا ہے۔
سی آر پی ایف کے مطابق اسپیشل گروپ بارہمولہ اور سی آر پی ایف کے 53 بٹالین نے کرالہر علاقے میں ناکے کے دوران طاہر احمد نامی ایک شخص کو گرفتار کیا ۔
پولیس چوکی پر گرینیڈ حملہ
انہوں نے کہا کہ اس شخص کے قبضے سے ایک ہینڈ گرینیڈ، ایک اے کے 47 مگیزین، اور اے کے 47 کے 25 روانڈز برآمد کیے گئے۔
سی آر پی ایف کے مطابق طاہر احمد اوور گراونڈ ورکر کے طور پر کام کر رہے تھے۔
واضح رہے کہ گزشتہ روز بارہمولہ کے دلینہ علاقے میں نا معلوم افراد نے پولیس چوکی پر گرینیڈ پھینکا تھا تاہم اس حملے میں کوئی جانی نقصان نہیں ہوا تھا۔
