ایس ایس بی کے ترجمان نے ای ٹی وی بھارت کو بتایا ، "رات 9 بجے کے قریب ، عسکریت پسندوں نے شہر کے نوہٹہ چوک پر تعینات سکیورٹی اہلکاروں کی طرف دستی بم پھینک دیا۔ حملے کے دوران ایس ایس بی کے تین جوان اور ایک پولیس اہلکار زخمی ہوگئے۔"
انہوں نے بتایا کہ زخمیوں کو علاج کے لیے قریبی اسپتال لے جایا گیا جہاں حالت غیر مستحکم بتائی جاتی ہے۔
زخمی اہلکاروں کی شناخت جے کے پی کانسٹیبل عبد المجید ، ایس ایس بی سب انسپکٹر انوراگ راؤ ، ایس ایس بی ہیڈ کانسٹبل سنانتا کمار اور ایس ایس بی کانسٹیبل درگش کمار کے طور پر ہوئی ہے۔
پولیس اور سکیورٹی فورسز نے عسکریت پسندوں کی گرفتاری کے لئے علاقے کو گھیرے میں لے لیا ہے۔ تاہم ، اب تک کسی بھی عسکریت پسند تنظیم نے اس کی ذمہ داری قبول نہیں کی ہے۔
